Американскиот претседател Џо Бајден и кинескиот лидер Си Џинпинг се ракуваа како лидери за прв пат откако Бајден ја презеде функцијата пред речиси две години. Тие се насмевнаа пред камерите и Си – преку преведувач – рече: „Мило ми е што те гледам“.
Двајцата лидери дадоа кратки воведни зборови и разменија неколку зборови со претставниците на медиумите кои потоа беа изведени од просторијата за да започнат разговорите.
Бајден беше придружуван од тим во кој беа државниот секретар Антони Блинкен, секретарот за финансии Џенет Јелен и амбасадорот на САД во Народна Република Кина Николас Барнс.
Си беше придружуван, меѓу другите, од директорот на Генералната канцеларија на Комунистичката партија на Кина Динг Ксуексианг и министерот за надворешни работи Ванг Ји.