Најмалку 12 земји изразија интерес за членство во БРИКС, глобалната асоцијација за економска и политичка соработка.
Ова го соопшти министерот за надворешни работи на Руската Федерација Сергеј Лавров.
Лавров рече дека интересот за членство во организацијата составена од Бразил, Русија, Индија, Кина и Јужна Африка е доста голем, пренесува ТАСС.
„Интересот за оваа глобална асоцијација е доста голем и продолжува да расте“, рече Лавров за време на средбата со неговиот индиски колега Субрахмањам Џаишанкар.
Лавров додаде дека Алжир, Аргентина и Иран се меѓу земјите кои ја изразиле својата желба.