Денеска (04.11.2022) во СВР Скопје околу 14 часот е пријавено дека на меил адреси на четири (до овој момент) училишта во Скопје е упатена закана за поставена бомба.
Веднаш по добиената пријава, од полициски службеници се преземени мерки за безбедно евакуирање на училиштата. Меѓу училиштата каде што е добиена закана за наводно поставена бомба е и гимназијата „Никола Карев“ во скопски Карпош.
Улицата која минува крај гимназијата е затворена од полицијата за сообраќај, а училиштето е испразнето.
Во тек се антитерористички проверки и се преземаат мерки за расчистување на случајот.