Четири тони цемент се запленети на преминот „Ќафасан“, извести царинската управа. Цементот бил натоварен во камион со македонски таблички, а било пријавено за увозно царинење за фирма од Битола.
Поради неусогласеност на податоците за вкупната тежина на возилото и стоката според приложените документи и белешката од вагата, царинските службеници извршиле истовар на стоката и премерување на празното возило, при што е утврдено дека во возилото има вишок од 3.990 кг цемент, што не е опфатен со царинската декларација.