На територијата на Македонија активни се пожарите во општините Новаци, Прилеп и Долнени, информираат од Центарот за управување со кризи.
Пожарот кој започна на 25 август во атарот на селата Ивени и Брник, општина Новаци е се уште активен. Гори сува трева и нискостеблеста шума. На терен интервенира екипа од ЈП Македонски Шуми „Кајмакчалан“ – Битола и лица од ТППЕ – Битола.
Пожарот кој избувна на 25 август во село Беранци кај манстирот е локализиран. Зафатена е сува трева и нискостеблеста шума.
Во текот на вчерашниот ден избувна пожар во атар на село Лопатица и село Крушица, општина Прилеп. Со пожарот е зафатена сува трева и ниска деградирана шума. Во гаснењето на пожарот интервенираат екипи на ШС „Црн Бор“ од Прилеп и ТППЕ Прилеп, како и масното население. Пожарот е се уште активен.
Во текот на вчерашниот ден избувна пожар на стрниште помеѓу селата Костинци и Слепче, општина Долнени. Поради силниот ветер пожарот преминал преку железничката пруга Прилеп-Велес и еден крак од пожарот се проширил кон село Слепче, а вториот крак кон планината и зафатил дел од дабовата шума. Во гаснењето на пожарот во текот на денот интервенираат пожарникари со две противпожарни возила, екипа на ЈП Македонски Шуми-Прилеп, а беше вклучено и месното население. Пожарот е се уште активен. Железничкиот сообраќај на релација Скопје – Битола е нормализиран.