Украинскиот претседател Володимир Зеленски денеска објави дека неговата земја има само околу 10 отсто од она што и е потребно за воздушна одбрана и уште еднаш ги прекина дипломатските контакти со Русија, пренесува Ројтерс.
Во видео обраќањето пред Парламентарното собрание на Советот на Европа, тој нагласи дека дипломатијата не е можна со лидери кои не го почитуваат меѓународното право, наведува британската агенција.
Зеленски рече и дека Москва мора да биде принудена да ги исполни барањата на Меѓународната агенција за атомска енергија и да дозволи демилитаризација на украинската нуклеарна централа во Запорожје, која е под руска контрола.
Украинскиот претседател најави и дека ситуацијата во областите на регионот Харков кои повторно се под контрола на Киев е страшна како во Ирпињ и Буча, кои претходно беа ослободени од руските сили, наведува Ројтерс.