Министерот за образование и наука, Спиро Ристовски и градоначалникот на Општина Аеродром, Ивица Коневски денеска свечено ги пуштија во употреба реконструираните спортски сали во основните училишта во Општината.
– Со оваа крупна инвестиција основните училишта целосно се модернизираа, а учениците добија соодветни услови за спортување на местата каде што го челичат своето здравје – изјави градоначалникот Коневски.
Во рамки на проектот за реконструкција на спортските сали беа опфатени и соблекувалните, како и просториите за реквизити.
– Исто така, беа реконструирани покривите на спортските сали во некои училишта, се промени внатрешната столарија, се реновираа санитарните јазли, се поставија заштитни решетки на прозорците и вратите во спортските сали, се заменија подовите и плочките во соблекувалните и ходниците. Се мoлерисаа ѕидовите и плафоните, а се реконструираше и водоводната, канализациската и електрична инсталација и се постави инсталација за греење и проветрување на салите – изјавуваат од општина Аеродром.