На 7.10.2022 во 14.20 часот било пријавено дека на локалниот пат с.Ржаничино -с.Таор се случила сообраќајна несреќа помеѓу товарно возило „мерцедес“, управувано од М.А.(44) од с.Студеничани, скопско и патничко возило „фолксваген голф“, управувано од З.Ф.(24) од с.Визбегово, скопско, двете со скопски регистарски ознаки.
Во несреќата со тешки телесни повреди се здобил малолетен сопатник од возилото „фолксваген голф“, а двајцата возачи се здобиле со телесни повреди, констатирани во Комплексот клиники „Мајка Тереза“ и Градската општа болница „Св. Наум Охридски“.
Извршен бил увид од увидна екипа од СВР Скопје.