Денеска во 03.20 часот на паркинг простор на улица „Гемиџиска“ во Скопје, полициски службеници од Единицата за внатрешни работи Гази Баба ги лишиле од слобода 25-годишниот С.С. и 21-годишниот М.П., двајцата од Скопје, извести МВР.
– Тие се сомничат дека извршиле кривично дело „тешка кражба“ во правно лице во кое биле вработени, од каде одзеле две бакарни плочи со тежина од околу 200 кг.. Украдените предмети биле пронајдени и одземени од патничко моторно возило во кое осомничените претходно ги ставиле и ќе бидат вратени на сопственикот, соопшти МВР.
Со нив бил извршен службен разговор и по целосно документирање на случајот против нив ќе следи соодветна кривична пријава.