Денеска околу 15.45 часот во близина на село Речица, кумановско, полициски службеници од СВР Куманово го лишиле од слобода 24-годишниот М.Ж. од Република Србија затоа што со возило „сааб“ превезувал седум лица мигранти од Сирија, извести МВР.
– Претходно, тој со возилото не застанал на знак за запирање даден од полициски службеници и се дал во бегство, но бил стигнат, по што со мигрантите излегле од возилото и се обиделе да побегнат, но биле фатени и приведени во полициска станица. Мигрантите ќе бидат спроведени во прифатно-транзитен центар за понатамошна постапка, соопшти МВР.
По целосно документирање на случајот против М.Ж. ќе биде поднесена соодветна пријава.