Вчера, во 18.00 часот на улицата „Блажо Алексов“ во Кавадарци, полициски службеници од Оперативен тим потраги при СВР Скопје го лишиле од слобода 39-годишниот М.Ј. од Кавадарци. Тој бил осуден на 15 години казна затвор за сторени кривични дела по член 131, член 237 и член 396 од Кривичниот законик, извести МВР.
– За него била распишана централна потерница од Казнено-поправната установа Затвор Идризово -Скопје каде имал за доиздржување уште една година и пет месеци, соопшти МВР.
Лицето било спроведено во казнено-поправната установа за доиздржување на казната.