Вчера попладне, во 17.40 часот на паркинг простор во центарот на Скопје, полициски службеници од ЕВР Центар и ЕВР Карпош ги лишиле од слобода 34-годишниот С.П. и 32-годишниот Д.А., двајцата од Скопје, извести МВР.
– Тие биле затекнати при извршување тешка кражба во патничко возило „фолксваген голф“. Одземените предмети биле пронајдени и вратени на сопственикот, а лицата биле приведени во полициска станица, соопшти МВР.
За настанот бил известен јавен обвинител и по целосно документирање против лицата ќе биде поднесена соодветна пријава.