Oколу 03.30 часот по полноќ, на автопатот А1 кај клучка Неготино, полициски службеници од Регионалниот центар за гранични работи Југ, Полициска станица Михајлово по преземени мерки и активности ги лишиле од слобода 23-годишниот З.Б. и 36-годишниот Б.Б., двајцата од село Драчевица, скопско, кои управувале патнички моторни возила „мерцедес“ и „голф“, двете со скопски регистарски ознаки, кои превезувале 14 лица илегални мигранти од Сирија, соопшти МВР.
За настанот е известен Јавен Обвинител, а по целосно документирање на случајот ќе биде поднесен соодветен поднесок.