Вчера полициски службеници од СВР Битола – ОКП Битола-Отсек за општ криминал во рамките на оперативниот план „Безбедно лето”, по добиена оперативна информација дека на една локација во Битола лицата 39-годишниот Е.К. и 26-годишниот С.Р. од Битола незаконски организираат игри на среќа што се забранети, извршија претрес во објект на улицата „Караорман” во Битола, извести МВР.
– При претресите затекнати се М. А. (32), Е.Р.(50),Ш.М.(47), А.И.(36) и двајцата организатори, сите од Битола. Лишени се од слобода, а по документирање на случајот ќе бидат поднесени кривични пријави за сторено кривично дело по чл.398 „комар”, соопшти МВР.