Михаил Улјанов, постојан претставник на Русија во меѓународните организации во Виена, изјави дека Москва ја поздравува идејата Меѓународната агенција за атомска енергија (МААЕ) да воспостави постојана мисија во нуклеарната централа Запорожје.
Генералниот директор на МААЕ, Рафаел Гроси, претходно изрази надеж дека МААЕ ќе формира постојана мисија во нуклеарката, каде се уште работат украински техничари. Гроси рече дека еден од приоритетите на мисијата ќе биде да разговара со нив. „Тоа е една од најважните работи што сакам да ги направам и ќе го направам тоа“, рече тој.
Извор: МИА