Денеска во 00.25 часот по полноќ полициски службеници од Полициската станица за граничен премин Табановце го лишиле од слобода 53-годишниот З.Т. од Скопје, извести МВР.
– При пасошка контрола било констатирано дека евидира на стоп листа од Регионалниот центар за гранични работи Југ, по што, со судска наредба, во содејство со царински службеници бил извршен преглед во возилото „мерцедес“ со холандски национални ознаки, кое го управувал. Притоа, во возилото биле пронајдени и одземени 23 различни стари монети и 11.800 евра, соопшти МВР.
Лицето било задржано во полициска станица и со него бил извршен службен разговор. По целосно документирање на случајот ќе биде поднесена соодветна кривична пријава.