Украинскиот претседател Володимир Зеленски денеска во Киев ги прими експертите на Меѓународната агенција за атомска енергија (МААЕ) што треба да ја посетат нуклеарната централа „Запорожје“.
Зеленски притоа истакна дека мисијата на МААЕ во Украина е едно од најважните безбедносни прашања за земјата, но и за целиот свет.
Тој повика на демилитаризација на нуклеарната постројка во јужниот дел на Украина што моментално е под контрола на руските трупи. Зеленски смета дека околу комплексот треба да биде воспоставена демилитаризирана зона, а централата да биде повторно вратена под украинска управа, како единствен начин за анулирање на безбедносните ризици.
Четиринаесетчлената делегација меѓународни експерти, предводена од шефот на МААЕ Рафаел Гроси, утре е предвидено да ја минат линијата на фронтот и да извршат проверка на состојбата на нуклеарните капацитети „Запорожје“.
Русија и Украина меѓусебно се обвинуваат за гранитирање на позиции во непосредна близина на најголемата нуклеарна централа во Европа со шест реактори за производство на електрична енергија.
Извор: МИА