Потпретседателката на ЛПД, Моника Зајкова, вели дека во најкус можен рок очекува да се свика седница на извршниот или централниот одбор на партијата по објавеното истражување на „А1он“ дека баџанаци, другари, ученици на министерот за локална самоуправа Горан Милевски, успеале да се вработат на државно, а некои од нив добиле и ангажман токму во министерството со кое тој раководи.
„Партијата ЛДП досега немала афери и скандали, секогаш била одлука на транспарентност и чесност. Во рамки на партијата, ние никогаш не сме дискутирале по однос на ангажмани на лица и слично и се надевам дека ова прашање ќе го продискутираме прво во партија, за да видиме што и како е, а потоа да може да дадеме конкретни изјави. Не сум побарала лично, партијата секогаш имала стручни и компетентни кадри и треба да се разговара и јас се надевам дека во најкус можен рок ќе биде свикана седница, барем на извршниот или централниот одбор на партијата и дека ова прашање ќе биде продискутирано со цел да се види како понатаму ќе се одвиваат работите“, изјави Зајкова за ТВ21.