Украинските сили се повлекоа од стратешкото плато кај Артјомовск, објави денеска Виталиј Кислев.
„Украинските вооружени сили го напуштија стратешкото плато што го штити Артјомовск и се повлекоа во градот“, напиша Кислев, министер за внатрешни работи на самопрогласената Луганска Народна Република (ЛПР), на својот канал Телеграм.
Тој додаде дека не се познати причините за повлекувањето на украинските војници, со оглед на тоа што тие би можеле долго да се бранат бидејќи повеќето ровови се недопрени, пренесува ТАСС.
Според него, украинската армија нема да може долго време да ја задржи контролата над градот.
Руското Министерство за одбрана пред два дена објави дека украинските сили ја загубиле борбената ефикасност и ги напуштиле позициите во близина на Авдеевка, Артјомовск и Соледар, кој се наоѓаат во самопрогласената Народна Република Доњецк (ДНР).