Напаѓачот на Рен, Матијас Тел (17), речиси сигурно ќе биде новиот напаѓач на Баерн. Тоа го потврди и тренерот Јулијан Нагелсман. Останува само да се официјализира трансферот вреден 28 милиони евра.
„Тел може да стане еден од најдобрите напаѓачи во светот. Мислам дека може да постигнува 40 гола по сезона. Во првата ќе се задоволам со десет. Тој е млад и талентиран. Може да игра на неколку позиции во нападот, брз е и силен, знае да ја задржи топката“, изјави Нагелсман.
Тел наскоро ќе стане играч на Баерн, каде што ќе го носи дресот со број девет, кој пред него го носеше Роберт Левандовски.
Пред Тел, Баварците се засилија со Матијас де Лихт, Садио Мане, Рајан Гравенберх и Нусер Мазрауи.
Извор: Топспорт