„Пропаднаа сите обиди на Христијан Мицкоски заедно со неговите партнери да ја дестабилизира државата. Мицкоски не успеа за туѓите странски нарачки и државата да ја втурне во подебла, изолација и меѓуетнички тензии“, соопшти СДСМ.
„Со денови Мицкоски заедно со Димитар Апасиев и Арбен Таравари за лажеа јавноста, организираа насилни протести, провоцираа меѓуетнички инциденти преку крвави сценарија, но на крајот беа прочитани од граѓаните.
Дури и неговите пратеници кои со денови свиреа, навредуваа, палеа документи во Собранието и се закануваа, говореа дека се против предлогот, на крајот по којзнае кој пат избегаа од салата, немајќи храброст ниту да гласаат против.
Секој успех на државата е пораз за Мицкоски и затоа е тој нервозен.
Така е и сега кога иднината во ЕУ е обезбедена а македонскиот јазик, историја и посебност се гарантирани и потврдени.
Наместо да се приклучи кон иднината, Мицкоски повторно одбра да остане во минатото, изолиран и оставен сам со својот проруски партнер Левица“, се наведува во соопштението на СДСМ.