Утре во текот на денот под влијание на влажен бран, најпрвин во западните, а во текот на ноќта и во сабота претпладне и во останатите подрачја ќе има врнежи од дожд, кои на места ќе бидат обилни, од 10 до 20 литри на метар квадратен, најавуваат од УХМР.
Локално процесите ќе бидат во форма на невреме со силни електрични празнења, интензивен пороен дожд, над 35 литри на метар квадратен, град и силен ветер од над 60 километри на час на час. Температурата ќе биде во опаѓање.
Од Управата за хидрометеоролошки работи најавуваат и дека од недела следува стабилно и потопло време.