Утрово е убиен Дмитриј Савлученко, проруски политичар назначен од руските сили за шеф на администрацијата за млади, семејство и спорт во окупираниот град Херсон. Информацијата ја потврди руската агенција РИА Новости.
РИА наведува дека Савлученко е убиен „во терористички напад“.
Украинците, логично, сосема поинаку ја дочекаа смртта на Савлученко.
„Нашите партизани забележаа уште една победа“, објави на Фејсбук Серхиј Клан, советник на началникот на воената администрација на регионот Херсон, додавајќи: „Проруски активист и предавник утрово беше разнесен во неговиот автомобил во Херсон“.
Dmitriy Savluchenko, one of the traitors in the occupied #Kherson got eliminated this morning. Traitor’s life is short these days in #Ukraine.
“They will greet us with flowers”, huh?#StandWithUkraine #ArmUkraineNow pic.twitter.com/OOjhmJJO2u— olexander scherba?? (@olex_scherba) June 24, 2022
Украинскиот дипломат и поранешен амбасадор на таа земја во Австрија, Олександр Шерба, на Твитер објави фотографија од мртвото тело на Савлученко, на која се гледа и уништениот автомобил.
„Дмитриј Савлученко, еден од предавниците во окупираниот Херсон, утрово е елиминиран. Животот на предавникот е краток деновиве во Украина. Ќе не пречекаат со цвеќе“, напиша Шерба.