Украинска пратеничка изјави дека Украина губи територија и не успева да ја ослободи откако Русија почна да ги концентрира нападите на истокот на земјата во регионот на Донбас.
Ивана Климпуш-Цинкадзе изјави за Sky News дека се надева дека ситуацијата во источна Украина наскоро ќе се промени: „За жал, во овој момент, Русија ги акумулира сите свои воени капацитети на истокот на нашата земја“.
„Ние губиме територии и тие во моментов остануваат во рацете на окупаторите. Се надеваме дека ќе дојде моментот и можноста да ги ослободиме“, додаде таа.
Пратеничката им се заблагодари на сојузниците од запад кои испраќаат воена помош за Украина, но нагласи дека на бранителите им треба повеќе оружје: „Во некои делови од земјата Русите се бројно посупериорни од нашите борци“, рече таа.