Европската комисија ја поддржа идејата Украина да стане кандидат за Европската унија.
Овој потег ја носи Украина чекор поблиску до Унијата.
Оваа вест ја објави Би-Би-Си, повикувајќи се на шефицата на ЕК, Урсула фон дер Лајен.
Претседателката Урсула фон дер Лајен изјави дека Комисијата предлага „на Украина да ѝ се даде кандидатски статус. Ова, секако, на разбирање дека земјата ќе спроведе бројни дополнителни реформи“.
– Од гледна точка на Комисијата, Украина јасно ги покажа аспирацијата и решеноста да ги исполни европските стандарди, додаде Фон дер Лајен.
Според ДПА, ЕК предлага статус кандидат за во ЕУ и за Молдавија.
Украина аплицираше за членство откако Русија ја започна инвазијата врз земјата кон крајот на февруари. Потоа следуваа и барања за членство од Молдавија и Грузија.