Секторот за внатрешни работи Тетово-Одделение за внатрешни работи Гостивар целосно расчисти осум кражби и тешки кражби и до Основното јавно обвинителство Гостивар поднесе кривични пријави против 26-годишниот Е.А., 30-годишниот И. Ф. и малолетник, сите од гостиварски Добридол и против 40-годишниот Л.С. и 36-годишниот С.И. од гостиварско Форино, согласно членовите 235 и 236 од Кривичниот законик, извести МВР.
– Првите тројца пријавени од Добридол се сомничат дека во текот на овој месец во неколку наврати противправно одзеле добиток од штала во гостиварско Сенокосе и го продале на други лица, а двајцата форинци дека во март годинава извршиле тешки кражби во маркети во Гостивар, соопшти МВР.
Вкупната имотна корист со која противправно се стекнале петмината осомничени се проценува на 244 илјади денари.