Рецесијата во САД не е неизбежна и има причини за оптимизам, истакна денеска американскиот претседател Џо Бајден.
Тој коментираше предупредувања на економисти за можен пат на САД кон рецесија.
Според Бајден, американскиот народ е „многу, многу депресивен“ по две бурни години со пандемијата од Ковид-19, економската нестабилност и најновиот раст на цените на горивото што го погодува буџетот на семејствата.
Како што тврди Бајден, потребата за менталното здравје во САД е огромна, бидејќи сè на што луѓето сметаа, се наруши и пропадна. Но, најголем дел е последица на кризата со Ковид-19, смета претседателот.
Неговата оценка е дека има причина за оптимизам. Тој е уверен оти САД се подобро позиционирани од која било земја на светот.
Извор: МИА