Кошаркарскиот првак на Македонија, МЗТ Скопје Аеродром, денеска ги почна подготовките за новата сезона во која клубот ќе игра во четири натпреварувања.
„Металците“ покрај во домашното првенство и домашниот куп (гр бранат двата пехара), ќе играат и во АБА (Јадранската) лига и во Еврокупот на УЛЕБ.
Новиот тренер Влада Вукоичиќ на денешниот прв состанок во СЦ „Борис Трајковски“ ги презентираше своите размислувања и очекувањата. На состанокот беа присутни сите играчи, како и репрезентативците на Македонија, единствено недостасуваше Американецот Џастин Рејнолдс, кој се очекува да допатува во текот на денешниот ден и од утре да се вклучи во тренажниот процес.
Подготовките во најголемиот дел ќе бидат во Скопје, а во план е учество на турнири и на натпревари и на домашен терен и на гости.