Вчера попладне, во 17.45 часот на граничен премин „Долно Блаце“, полициски службеници го лишиле од слобода 26-годишниот Т.М. од село Кондово, скопско, затоа што се обидел илегално да ја напушти државата и да премине во Република Косово, соопшти МВР.
– При проверка било констатирано дека е евидентиран во службена евиденција како лице по кое е распишана потрага од СВР Скопје за доиздржување казна затвор во Казнено-поправната установа Затвор Идризово, велат од МВР.
Лицето е предадено на полициски службеници од Полициско одделение Мирковци, по што било спроведено во казнено-поправната установа за доиздржување на казната.