Комисијата за статутарни и правни прашања на Општина Кичево одржа јавна дебата за давање предлози за можни промени на предлог-Статутот на Општината.
Претседателката на Комисијата за статутарни и правни прашања на Општина Кичево, Ардита Дани, рече дека сите промени ќе се прават во согласност со Законот за локална самоуправа.
„Дебатата беше јавна и ние добиевме идеи и предлози и од граѓанското општество и од локалните заедници. Нив ќе ги имаме предвид и ќе ги анализираме. Општина Кичево вети соработка со сите оние што ќе достават предлози до оваа институција“, додаде Дани.
Ова беше првата фаза од проектот за измена на Статутот на Општината, а во текот на втората фаза, по анализата, тој треба и да се одобри.