Министерот за образование и наука Спиро Ристовски, на денешната прес конференција апелираше до раководствата на студентските домови и надлежните управители да бидат целосно транспарентни во процесот на селектирање при распределбата на студентските легла.
„Единствен критериум ќе биде законскиот“, рече тој, одговарајќи на новинарско прашање, и додавајќи дека секој што ги исполнува критериумите ќе добие место во студенските домови.
„Доколку се констатира дека некој ја злоупотребил својата позиција ќе биде соодветно санкциониран, а не е исклучено и негово разрешување“, порача тој.
Сместувањето во студентските домови ја заврши првата фаза, според која согласно законските постапки апликации поднесоа студентите од втора, трета и четврта година. Досега се пристигнати над 5000 апликации за студентските легла во студентските домови низ Македонија, а од 19 август продолжува аплицирањето на бруцошите.
Темјана Поповска