На втори јуни во ОВР Прилеп, 48-годишниот Г.Ј. од Прилеп, пријавил дека истиот ден околу 11.30 часот во амбулантата за спортска медицина лоцирана во Центарот за јавно здравје Прилеп, пријавителот – доктор бил физички нападнат од страна на В. Д. и И.С., вработени во ЈЗУ Општа болница Прилеп, информира МВР.
– На 03.06.2022 во ОВР Прилеп, К.С.(47), директор во ЈЗУ Општа болница Прилеп пријавила дека на 02.06.2022 околу 11.00 ч. додека пријавителката била во Одделот за спортска медицина, заедно со комисијата на Болницата, со цел физичко дислоцирање на Стрес-тест апарат, истата била физички нападната од докторот Г. Ј. бидејќи се противел на интерната одлука за дислокација на апаратот и ги спречувал службените лица во вршење службено дејствија, соопшти МВР.
Се преземаат мерки за расчистување на настанот и по целосно документирање, ќе бидат поднесени соодветни пријави.