Општествените науки на сите државни универзитети годинава ќе ги изучуваат помал број студенти бидејќи се намалуваат квотите. Владата ќе ги промовира техничките науки а ќе го ограничи бројот на студенти што сакаат да учат општествени науки.
Родовите студии се во мирување. Министерот за образование Спиро Ристовски вели дека примарен интерес на владата е да се зголеми бројот на вработувања преку кадар што завршува на техничките факултети.
Анализата на МОН покажала дека има премногу правници економисти и административци а недостигаат професори по математика, градежни инженери, програмери, ветеринари.
За годинава за упис во првата студиска година има вкупно 25.624 слободни места на петте државни универзитети, а за работно место чекаат близу 17.000 дипломирани млади.