Македонската тенисерка Лина Ѓорческа со победа ги почна мечевите на фјучрс турнирот во Брчко, Босна и Херцеговина. Таа во 1.коло во поединечна конкуренција ја совлада Владица Бабиќ од Црна Гора со 6:2 и 6:3 во сетови. Во следното коло противничка и е 21.годишната хрватска тенисерка, Антонела Шушак, која преку квалификациите стигна на главниот турнир.
На турнирот во Чаковец, Томислав Јотовски и Бесир Дургути ги загубија мечевите од 2.коло од носителите. Јотовски загуби со 2:1 во сетови (2:6; 6:2 и 7:5) од третиот носител Томислав Бркиќ од БиХ, додека Дургути е поразен со 2:0 во сетови (7:5 и 6:1) од вториот носител Хрватот Марин Брадариќ.