Денеска по претходно добиени информации дека околу 12.30 часот автомобил „опел корса“ се движел на патеката за пешаци во Градскиот парк во Скопје, веднаш се преземени мерки од страна на полициски службеници од Одделението за безбедност на патниот сообраќај при СВР Скопје, извести МВР.
– Лицето е пронајдено и утврдено дека станува збор за 20-годишниот П.Л. од Скопје. Против него се преземени мерки согласно Законот за безбедност на патниот сообраќај и изречени му се соодветни санкции, соопшти МВР.