Вчера вечер, во 19.50 часот на автопатот А1, кај тунелите Демир Капија, полициски службеници од Полициската станица за граничен премин „Богородица“ го лишиле од слобода 54-годишниот Н.Ц. од Косово, информира МВР.
При преглед во возилото „фолксваген туран“ со косовски национални ознаки, кое го управувал, биле пронајдени седум лица – мигранти од Пакистан, соопшти МВР.
Н.Ц. бил приведен во полициска станица и по целосно документирање на случајот ќе биде поднесена соодветна пријава.