Британското Министерство за одбрана известува за зголемување на активноста меѓу белоруските вооружени сили.
Во својот дневен извештај за разузнавање, Министерството соопшти дека рускиот сојузник Белорусија „најави распоредување на сили за специјални операции долж границата со Украина, како и единици за воздушна одбрана, артилерија и ракетни единици на полигоните за обука на западот на земјата“.
Latest Defence Intelligence update on the situation in Ukraine – 16 May 2022
Find out more about the UK government's response: https://t.co/DAnpcubog6
?? #StandWithUkraine ?? pic.twitter.com/moSLR5a4DL
— Ministry of Defence ?? (@DefenceHQ) May 16, 2022
„Присуството на белоруски сили во близина на границата веројатно ќе ги спречи украинските трупи да можат да се распоредат за поддршка на операциите во Донбас“, се вели во соопштението.
Во извештајот се вели дека и покрај претходните шпекулации, белоруските сили не биле директно вклучени во конфликтот, а претседателот и сојузникот на Путин, Александар Лукашенко „веројатно ја избалансирал поддршката за Русија со желбата да се избегне директно учество во војната и западните санкции, украинската одмазда и можното незадоволство од белоруската војска“.