Украински војник од опколената фабрика за челик Азовстал во Мариупол зборуваше за ужасните услови во кои се наоѓаат војниците и цивилите. Тој рече дека преостанатите бранители „претрпеле големи загуби“ додека продолжуваат жестоките напади на Русија.
Поручникот Илја Самоленко, припадник на Азовскиот полк, изјави за Sky News дека бројот на повредени и убиени војници е „многу голем“ и дека војниците заслужуваат соодветна грижа.
Lieutenant Illya Samoilenko is still trapped in the Azovstal steel plant in Mariupol and tells Sky News that "we're taking heavy casualties" and "every day may be our last".
Latest: https://t.co/ZeprhNWkgn
? Sky 501, Virgin 602, Freeview 233 and YouTube pic.twitter.com/mNfImNBkBz
— Sky News (@SkyNews) May 10, 2022
„Никој не очекуваше дека ќе издржиме толку долго против Русите, но ние се уште се бориме. Имаме големи, тешки загуби“, рече тој. Украинските власти веруваат дека околу 100 цивили останале во фабриката за челик, но Самоиленко рече дека, колку што знае, сите биле евакуирани.
Тој додаде дека имаат „исклучително ограничени ресурси“ и веруваат дека „секој ден може да ни биде последен“. „Нашиот живот не значи ништо, но нашата борба значи сè“, рече тој.