Работната група за аудиовизуелни и медиумски содржини на Советот на ЕУ расправаше за нацрт-заклучоците за заштитата и безбедноста на новинарите составени од француското претседателство со ЕУ по повод Светскиот ден на слобода на печатот 3 мај, пренесе Бета.
Според бриселските медиуми, документот повикува на редовни дискусии на оваа тема во рамките на постоечките пилот проекти и подготвителни акции за поддршка на слободата и плурализмот на медиумите на Европскиот медиумски форум за вести и евалуација.
Покрај тоа, во нацртот бара дополнително финансирање за независното новинарство и истражувања.
Исто така, се повикува на поддршка за реализација на проекти поврзани со заштита на новинарите кои припаѓаат на малцинските групи, унапредување на безбедноста на Интернет и финансирање на школи за новинарство.
Во контекст на руската инвазија врз Украина, се истакнува важноста да им се помогне на новинарите и медиумските работници кои работат во Украина во финансиска, правна и професионална смисла. Се додава дека е неопходно да им се помогне на новинарите во егзил од Украина, Белорусија и Русија.
Извор: МИА