Јапонија планира да ослободи околу 16 милиони барели нафта од своите резерви за да помогне да се стабилизира пазарот по руската инвазија на Украина.
„Стабилизацијата на пазарот е клучна. Јапонија ќе стори се што може, а во меѓувреме ќе продолжиме да ги повикуваме земјите производители на нафта да продолжат да соработуваат“, изјави за новинарите јапонскиот премиер Фумио Кишида.
Да потсетиме, минатата недела американскиот претседател Џо Бајден најави дека во следните шест месеци од резервите ќе ослободува по еден милион барели нафта дневно, што е најголемото ослободување нафта во американската историја.