Раководството на Барселона му нуди на Роберт Левандовски тригодишен договор со плата од 8 милиони евра по сезона, плус бонуси. Полскиот интернационалец размислува за заминување од „Алијанц арена“, а има договор до крајот на другата сезона. Баерн Минхен сака да го задржи, но му нуди продолжување на договорот за само една дополнителна година.
Барселона е подготвена да ја исполни желбата на Левандовски за рокот на договорот, но му нуди помала плата од сегашната во Баерн која изнесува околу 12 милиони евра.
Агентот на напаѓачот, Пини Захави, веќе започна преговори под овие услови и го чека одговорот на Левандовски за да преземе посериозна акција на „Камп Ноу“.