Велика Британија им обезбеди на украинските сили повеќе од 4.000 противтенковски ракетни системи за да помогне во „нивниот отпор против руската агресија“, соопшти британското Министерство за одбрана, јави Би-Би-Си.
Во серија твитови, Министерството вели дека уредите што биле испратени биле NLAW (Next Generation Light Anti-tank Weapons/Лесно противтенковско оружје од најновата генерација).
Министерството се повикува и на видеото кое го опишува како „руска пропаганда“. Се чини дека се однесува на снимките објавени од двајца истакнати руски измамници, кои го прашале секретарот за одбрана на Велика Британија Бен Валас за наводната програма за нуклеарно оружје за Украина, и кои се чини дека сугерираат дека Британија е при крај на залихите со противтенковско оружје.
Во твитовите, Министерството за одбрана вели дека Британија има „доволно вооружени системи за да ја брани и националната безбедност на Велика Британија и да ги исполни обврските кон НАТО“.
„Луѓето треба да бидат многу скептични во врска со известувањето и прифаќањето како реални на кој било дел од овие клипови монтирани од руската држава“, се додава во нишката на Твитер.
Извор: МИА