Воз кој превезувал опасни хемикалии излета од шини во американската сојузна држава Лујзијана и од два вагона истече опасен материјал, поради што околу сто куќи се евракуирани, соопшти денеска железницата на САД.
Повеќе од 20 вагони на возот „Јунион пацифик“ излетале од шините синоќа во близина на Лоутел, западно од главниот град на Лујзијана, Батон Руж.
Портпаролот на „Јунион пацифик“, Ракел Еспионоза истакна дека од еден од вагоните истекло натриум хидросид, кој може да ги повреди и да усмрти човек ако се вдиши или допре.
Од другиот вагон истекло масло за подмачкување. Се уште не е утврдена причината за железничката несреќа.