Полициски службеници од СВР Тетово вчеравечер, од 19 часот и 30 минути до 22 часот, по претходно извршен претрес во угостителски објект и плац за стари возила, во рамките на кој се наоѓал објектот, лоциран на улица „Видоја Смилевски-Бато” во Тетово, сопственост на 31-годишниот Н.С. од тетовско Шемшово, ги лишиле од слобода: 24-годишниот Љ.С., 33-годишниот С.А. од Тетово, 37-годишниот М.А. од тетовски Порој, 29-годишниот С.С., 36-годишниот С.С., двајцата од Шемшово и сопственикот на објектот, информираше портпаролот на МВР, Гоце Андреевски.
При претресот, реализиран со судска наредба, на различни места, биле пронајдени 25 паковки кокаин и марихуана. Приведените се задржани во Полициската станица Тетово за целосно расчистување и документирање на случајот и против нив ќе следуваат соодветни поднесоци, изјави портпаролот Андреевски.
