Некои од најголемите телекомуникациски компании во светот на британската разузнавачка агенција ГЦХК тајно и доставуваат детали за телефонските разговори, електронските писма и профилите на „Фејсбук“ на нивните корисници, тврди лондонскиот весник „Гардијан“.
Според весникот, во документите што ги обелодени поранешниот соработник на американската Агенција за национална безбедност (НСА), Едвард Сноуден може да се види дека „Бритиш Телеком“ (БТ), „Водафон“, американскиот „Верајзон“ и уште четири телекомуникациски провајдери и дозволуваат на ГЦХК тајно и неограничено да пристапува во нивните мрежи преку кои се пренесуваат телефонските разговори и интернет сообраќајот.
„Гардијан“ во јуни објави дека ГЦХК има тајна програма наречена „Темпора“, преку која ги следи телефонските и интернет комуникациите. Според бесникот, оваа програма на ГЦХК функционира „веќе 20 месеци“.