Товарен камион се преврте пред влезот на Штип, при поминување на патарина. Несреќата се случи утринава, а направена е голема материјална штета.
Робата која ја превезувал, поради силината на ударот и превртената приколица, е испадната.
Од она што е познато, две кабини од патарината се целосно уништени, а истата не е пуштена во функција, што значи биле празни.
Од МВР за „А1он“ велат дека го проверуваат случајот. Полицијата прави увид, а засега, причините за несреќата се непознати.
Засега, не се знае ниту дали е повреден возачот кој управувал со товарното возило, ниту дали друго возило учествувало во несреќата.
