Франција ја заплени суперјахтата за која тврди дека е поврзана со рускиот олигарх Игор Сечин. Информацијата ја потврди францускиот министер за финансии Бруно Ле Мер.
„Благодарам на француските цариници кои спроведуваат европски санкции против луѓе блиски до руската влада“, напиша Ле Мер на Твитер заедно со соопштението за јавноста.
Un yacht appartenant à un oligarque russe a été saisi.
Merci aux douaniers français qui font respecter les sanctions de l'Union européenne à l'encontre des proches du pouvoir russe. pic.twitter.com/AZVzmlet2P— Bruno Le Maire (@BrunoLeMaire) March 3, 2022
Во соопштението се наведува дека француските власти вчера ја заплениле суперјахтата Аморе Вело, по проверката што траела неколку часа. Суперјахта долга 85 метри е запленета на југот на Франција во близина на градот Ла Чиотато.
Игор Сечин е директор на руската нафтена компанија во државна сопственост на Роснефт. Тој е еден од олигарсите на Путин против кого ЕУ неодамна воведе санкции.