Град Скопје ги известува граѓаните дека ќе изврши авионска и терестрична дезинсекција против комарци на подрачјето на главниот град.
Како што се наведува во соопштението, четвртиот наврат на аеросолната дезинсекција (авионска) годинава, на подрачјето на Град Скопје, против комарци, ќе се одвива в сабота и недела од 5:30 до 8 часот.
Четвртиот наврат на дезинсекцијата од земја (терестрична) во 2013 година, на подрачјето на Град Скопје против комарци, ќе се одвива од 5 до 9 август (од понеделник до петок), од 1 до 5 часот.
Доколку временските услови не го дозволуваат вршењето на аеросолната дезинсекција, таа ќе се изврши следниот ден, во истиот термин, кога временските услови ќе бидат поволни, а согласно на тоа ќе се извршува и терестричната дезинсекција.
Се известуваат пчеларите навремено да ги преземат потребните мерки за заштита на пчелите.