Грчки суд осуди денеска деветмина вработени во една поморска компанија во врска со потопувањето на туристички брод крај островот Санторини пред шест години.
Судот во Пиреја на деветмината обвинети им изрече условни затворски казни во траење од шест месеци до над 12 години, а ослободи четири други осомничени лица.
Бродот „Си Дајамонд“ на компанијата „Луис Хеленик Крусис“, кој превезуваше околу 1.600 лица, се насука на карпи крај Санторини во април 2007 година и потона неколку часа по несреќата. Двајца француски патници не беа пронајдени и се претпоставува дека тие се удавиле.
Судот му изрече најтешка казна од 12 години и два месеци затвор на капетанот на бродот за предизвикување инцидент, за убиство од небрежност и за загадувањето на морето.