Германскиот министер за надворешни работи Гвидо Вестервеле побарал од новите власти во Египет да му овозможат средба со поранешниот претседател Мохамед Морси.
Вестервеле сака да има средба со Морси за време на посетата во Каиро закажана за утре. Засега германскиот шеф на дипломатијата не добил одговор на барањето од страна на новите египетски власти.
Истовремено, претставници на Африканската унија имале средба со Морси која траела еден час. Детали од средбата не се соопштени, јавуваат западни медиуми. Во понеделникот Морси имаше средба со шефот на дипломатијата на ЕУ, Кетрин Ештон.